મુંબઇથી દિલ્હી જતી Indigoની ફ્લાઇટમાં બોમ્બની ધમકી, દિલ્હી એરપોર્ટ પર ઇમરજન્સી જાહેર
છેલ્લું અપડેટ : 30 Sept 2025
મુંબઇથી દિલ્હી જતી ઇન્ડિગોની એક ફ્લાઇટને બોમ્બથી ઉડાવી દેવાની ધમકી મળી છે. ફ્લાઇટ સંખ્યા 6E 762માં લગભગ 200 મુસાફર સવાર હતા અને સુરક્ષા એજન્સીઓને આ ધમકી અસ્પષ્ટ લાગી હતી.
સૂત્રએ જણાવ્યું કે દિલ્હી એરપોર્ટ પર ઉડાન માટે ઇમરજન્સી જાહેર કરવામાં આવી હતી. ફ્લાઇટ ટ્રેકિંગ વેબસાઇટ Flightradar24.com પર ઉપલબ્ધ જાણકારી અનુસાર એરબસ A321 નિયો વિમાનથી સંચાલિત આ ફ્લાઇટ સવારે 7.53 વાગ્યે ઉતરી હતી.
ઇન્ડિગોએ શું કહ્યું?
ઇન્ડિગોના પ્રવક્તાએ આ ઘટના પર પોતાની પ્રતિક્રિયા આપી છે. ઇન્ડિગોના પ્રવક્તાએ કહ્યું, "30 સપ્ટેમ્બર 2025એ મુંબઇથી દિલ્હી માટે ઉડાન ભરનારી ઇન્ડિગોની ફ્લાઇટ 6E 762માં સુરક્ષા સંબંધી ખતરો જોવા મળ્યો હતો. પ્રોટોકોલનું પાલન કરતા અમે સંબંધિત અધિકારીઓને તેની જાણ કરી હતી અને વિમાનને ઉડાન માટે મંજૂરી પહેલા જરૂરી સુરક્ષા તપાસ કરી પુરો સહયોગ કરવામાં આવ્યો હતો."
