હૈદરાબાદમાં BJYM કાર્યકરોની અટકાયત કરાઈ
છેલ્લું અપડેટ : 31 Aug 2026
સોર્સ : gstv
તેલંગાણાના હૈદરાબાદમાં ભારતીય જનતા યુવા મોરચાના કાર્યકરોએ તેલંગાણા પ્રદેશ કોંગ્રેસ સમિતિના મુખ્ય મથક ગાંધી ભવન પર ઈંડા ફેંકીને ઉગ્ર વિરોધ પ્રદર્શન કર્યું હતું. રાજકીય મુદ્દે વિરોધ નોંધાવવા પહોંચેલા BJYM કાર્યકરો અને કોંગ્રેસ સમર્થકો વચ્ચે ભારે ઘર્ષણ અને અફરાતફરીનો માહોલ સર્જાયો હતો. ઘટનાની જાણ થતાં જ સ્થાનિક પોલીસે તુરંત સ્થળ પર પહોંચી સ્થિતિ પર કાબૂ મેળવ્યો હતો. વિરોધ પ્રદર્શન કરી રહેલા અને કાયદો-વ્યવસ્થા ખોરવવાનો પ્રયાસ કરનારા અસંખ્ય BJYM કાર્યકરોની પોલીસે ઘટનાસ્થળેથી જ અટકાયત કરી હતી. આ ઘટના બાદ કોંગ્રેસ કાર્યાલય બહાર ચુસ્ત પોલીસ બંદોબસ્ત ગોઠવી દેવામાં આવ્યો હતો
