મહાકુંભમાં માઘી પૂર્ણિમામાં 74 લાખ શ્રદ્ધાળુઓએ કર્યું સ્નાન, સુરક્ષા અને સ્વાસ્થ્યને લઈને યોગી સરકારની મોટાપાયે તૈયારી

મહાકુંભમાં માઘ પૂર્ણિમા સ્નાનને ધ્યાને રાખીને મોટી સંખ્યામાં આવી રહેલા શ્રદ્ધાળુઓની સુરક્ષા અને સ્વાસ્થ્યને લઈને યોગી સરકારે મોટાપાયે તૈયારી કરી છે. મુખ્યમંત્રી યોગી આદિત્યનાથના નિર્દેશ પર મહાકુંભ ક્ષેત્રની સાથે જ શહેર અને મંડળની તમામ હોસ્પિટલ હાઈ એલર્ટ મોડમાં રહેશે. શ્રદ્ધાળુઓની સુરક્ષા નક્કી કરવા માટે જલ, થલ અને આભમાં દેખરેખ કરાઈ રહી છે, જે હેઠળ 133 એમ્બ્યુલન્સને તૈનાત કરાયા છે, જે કોઈ પણ ઈમરજન્સી સ્થિતિમાં તાત્કાલિક રાહત પહોંચાડવાનું કામ કરશે. જેમાં 125 એમ્બ્યુલન્સ સિવાય સાત રિવર એમ્બ્યુલન્સ અને એક એર એમ્બ્યુલન્સ વિશેષ રીતે તૈનાત કરાયા છે.

પૂર્ણિમાના દિવસે મહાકુંભમાં ભક્તોની ભારે ભીડ ઉમટી પડી

આજે (૧૨ ફેબ્રુઆરી) માઘી પૂર્ણિમાના દિવસે મહાકુંભમાં ભક્તોની ભારે ભીડ ઉમટી પડી છે. સંગમ કિનારાની બંને બાજુ ફક્ત ભક્તો જ દેખાય છે. માઘ પૂર્ણિમાના દિવસે લોકોનો ઉત્સાહ એટલો બધો છે કે વહેલી સવારે ૭૪ લાખ લોકોએ સંગમમાં ડૂબકી લગાવી છે. આજે માઘ પૂર્ણિમાના દિવસે, નાગા સાધુઓના અખાડાઓએ સૌથી પહેલા ડૂબકી લગાવી હતી. .આ પછી, અખાડાઓએ અને પછી સંતોએ ડૂબકી લગાવી. આ પ્રક્રિયા પછી જ સામાન્ય ભક્તોએ સ્નાન કરવાનું શરૂ કર્યું. આજે સંગમ કિનારે સ્નાન કરી રહેલા શ્રદ્ધાળુઓ પર હેલિકોપ્ટરથી ફૂલોનો વરસાદ કરવામાં આવી રહ્યો છે. તમને જણાવી દઈએ કે અત્યાર સુધીમાં 46.25 કરોડથી વધુ ભક્તો મહાકુંભમાં ડૂબકી લગાવી ચૂક્યા છે.

સવારે 6 વાગ્યા સુધી મહાકુંભમાં સ્નાન કરનારા ભક્તોની સંખ્યા

> કલ્પવાસી: ૧૦ લાખથી વધુ
> ભક્તો: ૬૩.૬૦ લાખથી વધુ
> ગઈકાલ સુધીમાં કુલ ભક્તો: ૪૬.૨૫ કરોડથી વધુ

સીએમ યોગી સવારે 4 વાગ્યાથી માઘી પૂર્ણિમાના સ્નાનનું નિરીક્ષણ 

પ્રયાગરાજ મહાકુંભમાં અમૃત સ્નાન માટે ભક્તોની ભીડ ઉમટી પડી છે. વહીવટીતંત્રે અમૃત સ્નાન માટે વિસ્તૃત વ્યવસ્થા કરી છે. સીએમ યોગી પોતે સવારે 4 વાગ્યાથી માઘી પૂર્ણિમાના સ્નાનનું નિરીક્ષણ કરી રહ્યા છે. ઉપરાંત, ભક્તોની ભારે ભીડને ધ્યાનમાં રાખીને, મેળા વહીવટીતંત્રે કડક સુરક્ષા વ્યવસ્થા કરી છે અને સમગ્ર પ્રયાગરાજ શહેરને નો વ્હીકલ ઝોન જાહેર કર્યું છે.