VIDEO: 5 કિલો જિલેટિન, ડિટોનેટર અને હથિયારો મળ્યા, ચંદીગઢ IED કેસમાં પાકિસ્તાની કનેક્શનનો ખુલાસો
છેલ્લું અપડેટ : 24 Aug 2026
ચંદીગઢમાં (Chandigarh) IED અને હથિયારોની (Weapons) જપ્તી મામલે તપાસ આગળ વધતાં ચોંકાવનારા ખુલાસા સામે આવ્યા છે. પોલીસના ટોચના સૂત્રોના જણાવ્યા અનુસાર, ઝડપાયેલા ત્રણેય આરોપીઓ પાકિસ્તાનમાં (Pakistan) હાજર હોવાનું કહેવાતા ખાલિસ્તાની આતંકી સતનામ સત્તા નૌશેરાના સંપર્કમાં હતા અને તેના ઈશારે કામ કરી રહ્યા હોવાની આશંકા છે.
પ્રાથમિક તપાસમાં સામે આવ્યું છે કે પાકિસ્તાનમાં બેઠેલા કથિત હેન્ડલર્સ (Handlers)ના નિર્દેશ પર આરોપીઓ પંજાબ (Punjab) અને ચંદીગઢમાં કોઈ મોટી ઘટનાને અંજામ આપવાની તૈયારી કરી રહ્યા હતા. જોકે, તપાસ એજન્સીઓ હજુ સમગ્ર નેટવર્ક અને સંભવિત ટાર્ગેટ અંગે વધુ માહિતી એકત્ર કરી રહી છે.
આરોપીઓ પાસેથી શું મળ્યું?
પોલીસ સૂત્રોના જણાવ્યા પ્રમાણે, ત્રણેય આરોપીઓમાંથી બે તરનતારન (Tarn Taran) અને એક અમૃતસર (Amritsar)નો રહેવાસી છે. તેમની પાસેથી આશરે 5 કિલો જિલેટિન સ્ટિક (Gelatin Sticks), ડિટોનેટર (Detonators), પાવર સોર્સ, વાયર અને અન્ય ઈલેક્ટ્રોનિક સામગ્રી મળી આવી છે. આ ઉપરાંત હથિયારો અને કારતૂસ પણ જપ્ત કરવામાં આવ્યા હોવાનું જાણવા મળ્યું છે.
આ સામગ્રી ચંદીગઢના સેક્ટર-43 સ્થિત ઈન્ટરસ્ટેટ બસ ટર્મિનલ (Interstate Bus Terminal) પાછળ એક બેગમાં છુપાવવામાં આવી હતી. પોલીસે કાર્યવાહી કરીને ત્રણેય શંકાસ્પદોને ઝડપી લીધા હતા અને કેસમાં FIR નોંધવામાં આવી છે.
બબ્બર ખાલસા ઈન્ટરનેશનલનું કનેક્શન?
તપાસ એજન્સીઓ હવે આ IED અને અન્ય સામગ્રી ક્યાંથી આવી અને આરોપીઓનું નેટવર્ક કેટલું મોટું છે તેની તપાસ કરી રહી છે. પ્રાથમિક તપાસમાં પ્રતિબંધિત આતંકી સંગઠન **બબ્બર ખાલસા ઈન્ટરનેશનલ (Babbar Khalsa International)**ની સંડોવણીની પણ આશંકા વ્યક્ત કરવામાં આવી છે. સૂત્રોના દાવા મુજબ, આ નેટવર્ક પાકિસ્તાનની ગુપ્તચર એજન્સી ISIના ઈશારે કામ કરતું હોવાની પણ તપાસ થઈ રહી છે.
બસ સ્ટેન્ડ પાછળ IED કેમ છુપાવી?
સૌથી મોટો સવાલ એ છે કે સેક્ટર-43 બસ અડ્ડા પાછળ IED શા માટે છુપાવવામાં આવી હતી. હાલની તપાસ મુજબ બસ સ્ટેન્ડ પર સીધો બ્લાસ્ટ કરવાનો પ્લાન હતો કે નહીં તે સ્પષ્ટ નથી. પોલીસ હવે આરોપીઓના પૂછપરછ (Interrogation) દ્વારા સંભવિત ટાર્ગેટ અને સમગ્ર ષડયંત્રની વિગતો મેળવવાનો પ્રયાસ કરી રહી છે.
પોલીસે ત્રણેય આરોપીઓને કસ્ટડીમાં લઈને તેમના સંપર્કો, હેન્ડલર્સ અને નેટવર્ક અંગે તપાસ શરૂ કરી છે. સમગ્ર મામલે સુરક્ષા એજન્સીઓ પણ સતર્ક બની છે.
