VIDEO: વલસાડમાં હિટ એન્ડ રન, પુરપાટ ઝડપે આવતી કારે અડફેટે લેતા બાઈક ચાલકનું મોત
છેલ્લું અપડેટ : 26 Mar 2025
ગુજરાતમાં જાણે અકસ્માતની વણઝાર સર્જાઈ રહી છે તેમ સતત અકસ્માતની ઘટના સામે આવી રહી છે. એવામાં વલસાડમાંથી એક ગંભીર હિટ એન્ડ રનના અકસ્માતની ઘટના સામે આવી રહી છે. વલસાડ જિલ્લાના ધરમપુર તાલુકામાં કાર ચાલકે બાઈક સવારને અડફેટે લીધો હતો, જેમાં કાર ચાલક અકસ્માત સર્જીને ફરાર થઈ ગયો હતો અને બાઈક સવારનું મોત થયું હતું.
વલસાડ જિલ્લામાં ધરમપુર તાલુકાના રાજમહેલ રોડ પર આ અકસ્માતની ઘટના બની હતી. ધરમપુરમાં આઈ20 કાર ચાલકે બાઇક સવારને ઉડાવ્યો હતો. પુરપાટ ઝડપે આવી રહેલ આઈ20 કાર ચાલકે બાઇક ચાલકને ઉડાવ્યો હતો. અકસ્માતમાં બાઇક ચાલકનું મોત થયું જ્યારે આઈ20 કાર ચાલક ફરાર થઈ ગયો હતો. સમગ્ર ઘટનાના CCTV સામે આવ્યા હતા. ધરમપુર પોલીસે CCTV ના આધારે કાર ચાલકને શોધવાની તજવીજ હાથ ધરી છે.
