VIDEO: વલસાડના પારડીમાં બોટ પલટતાં 6 બચાવાયા, નદીમાં ડૂબેલા બાળકની શોધખોળ
છેલ્લું અપડેટ : 22 Sept 2026
સોર્સ : gstv
વલસાડ જિલ્લાના પારડી તાલુકાના ઉમરસાડી ખાતે આવેલ લક્ષ્મીનારાયણ મંદિરથી લાલજીબાપાની મૂર્તિને પારનદીમાં સ્નાન કરાવી પરત ફરી રહેલા એક જ ફળિયાના શ્રદ્ધાળુઓની બોટ અકસ્માતનો ભોગ બની છે. નદીમાં માછલી પકડવાની જાળના દોરડામાં બોટ ફસાઈને પથ્થર સાથે ટકરાતા પલટી મારી ગઈ હતી, જેના લીધે બોટમાં સવાર 7 લોકો નદીના પાણીમાં ખાબક્યા હતા. જેમાં 6 લોકોને બચાવી લેવામાં સફળતા મળી હતી, પરંતુ એક મહિલાના હાથમાંથી છૂટી ગયેલું બાળક નદીમાં ડૂબી ગયું હતું. ઘટનાની જાણ થતાં જ વલસાડ રૂરલ અને પારડી પોલીસ, 108 એમ્બ્યુલન્સ, પારડી તથા વલસાડ નગરપાલિકાની ફાયર બ્રિગેડ અને ચંદ્રપુર લાઈફ સેવર ગ્રૂપના સ્થાનિક તરવૈયાઓ સ્થળ પર દોડી આવ્યા હતા અને પારડી પી.આઈ.ની આગેવાની હેઠળ ગુમ થયેલા બાળકની શોધોખળ હાથ ધરી છે.
