VIDEO: કદવાલમાં તલાટીઓની હડતાળથી ગ્રામીણ વહીવટ ઠપ્પ, સરપંચોમાં રોષ!
છેલ્લું અપડેટ : 13 Aug 2026
સોર્સ : gstv
છોટાઉદેપુર જિલ્લાના કદવાલ તાલુકામાં તલાટી કમ મંત્રીઓની હડતાળના કારણે ગ્રામ્ય વહીવટી કામગીરી ગંભીર રીતે પ્રભાવિત થઈ છે. જાતિ અને આવકના દાખલા, પેઢીનામા તથા શૈક્ષણિક પ્રમાણપત્રો સમયસર ન મળતા વિદ્યાર્થીઓ અને ગ્રામજનો મુશ્કેલીમાં મુકાયા છે. આ સમસ્યાને લઈને કદવાલ તાલુકા સરપંચ સંઘે મામલતદાર કચેરીએ પહોંચી ઉગ્ર રજૂઆત કરી હતી અને આવેદનપત્ર પાઠવ્યું હતું. સરપંચોનો આક્ષેપ છે કે વૈકલ્પિક વ્યવસ્થાનો આદેશ હોવા છતાં તેનો અમલ થયો નથી. આ મામલે સત્વરે યોગ્ય વ્યવસ્થા ઊભી કરવામાં નહીં આવે તો આગામી દિવસોમાં આંદોલન વધુ ઉગ્ર બનાવવાની ચેતવણી પણ ઉચ્ચારવામાં આવી છે.
