VIDEO: વડોદરાની સયાજી હોસ્પિટલમાં દાઝેલા બાળકને સારવાર માટે સ્ટ્રેચર કે વ્હીલચેર ન મળતા લાચાર માતા ગોદમાં ઊંચકીને ભટકી
છેલ્લું અપડેટ : 14 Aug 2026
સોર્સ : gstv
વડોદરાની સયાજી હોસ્પિટલને ‘એમ્સ’ કક્ષાની બનાવવાના દાવાઓ વચ્ચે તંત્રની બેદરકારીની ગંભીર તસવીર સામે આવી છે. આશરે ૪થી ૫ વર્ષના દાઝેલા માસૂમ બાળકને એક વોર્ડમાંથી બીજા વોર્ડમાં લઈ જવા માટે વ્હીલચેર કે સ્ટ્રેચર ન મળતાં લાચાર માતા બાળકને ગોદમાં ઊંચકીને ભટકવા મજબૂર બની હતી. એટલું જ નહીં, બાળકને ચડતી બોટલ પણ પરિવારજનોએ ખુલ્લામાં હાથમાં પકડીને લઈ જવી પડી હતી. સમગ્ર ઘટનાએ સયાજી હોસ્પિટલની વ્યવસ્થા અને દર્દીઓ પ્રત્યેની સંવેદનશીલતા સામે ગંભીર સવાલો ઉભા કર્યા છે.
