VIDEO: તાપીની સરહદે આવેલા નવાપુરના પોલ્ટ્રી ફાર્મમાં બર્ડ ફ્લૂનો કેસ નોંધાયો, મહારાષ્ટ્ર પશુપાલન વિભાગ દ્વારા સઘન કાર્યવાહી હાથ ધરાઈ
છેલ્લું અપડેટ : 06 May 2026
સોર્સ : gstv
તાપી જિલ્લાની સરહદે આવેલા નવાપુર ખાતેના એક પોલ્ટ્રી ફાર્મમાં બર્ડ ફ્લૂનો કેસ મળી આવતા મહારાષ્ટ્ર પશુપાલન વિભાગ દ્વારા સઘન કાર્યવાહી હાથ ધરવામાં આવી છે. આ રોગચાળાને ફેલાતો અટકાવવા માટે તંત્ર દ્વારા અત્યાર સુધીમાં અંદાજે ૨ લાખ મરઘા અને ૮ લાખ ઇંડાનો નાશ કરવામાં આવ્યો છે. બીજી તરફ, ગુજરાતના તાપી જિલ્લાના ઉચ્છલ પંથકમાં રાહતના સમાચાર છે, કારણ કે અત્યાર સુધી ત્યાં એકપણ પોઝિટિવ કેસ નોંધાયો નથી. નવાપુરના અધિકારીઓએ પરિસ્થિતિ અંગે જણાવતા કહ્યું છે કે હાલમાં પૂરતી તકેદારી રાખવામાં આવી રહી છે, તેથી લોકોએ ચિંતા કરવાની કોઈ જરૂર નથી. પશુપાલન વિભાગ સમગ્ર સ્થિતિ પર સતર્કતાથી નજર રાખી રહ્યું છે.
