VIDEO: સુરેન્દ્રનગરઃ જામડી ગામમાં તળાવના દૂષિત પાણીથી રોગચાળો ફાટી નીકળવાનો ભય
છેલ્લું અપડેટ : 26 Jun 2026
સોર્સ : gstv
સુરેન્દ્રનગર જિલ્લાના જામડી ગામમાં આવેલા મુખ્ય તળાવના પાણીમાં TDSનું પ્રમાણ ભયજનક રીતે વધી જતાં અને લીલનું સામ્રાજ્ય છવાઈ જતાં સમગ્ર ગામમાં ગંભીર રોગચાળો ફાટી નીકળ્યો છે. છેલ્લા ૭ વર્ષથી આ તળાવ ઓવરફ્લો ન થવાના કારણે તેનું પાણી સાવ પડતર અને દૂષિત બની ગયું છે, પરંતુ હાલ નર્મદાની કેનાલો બંધ હોવાના લીધે ગ્રામજનો પાસે અન્ય કોઈ વિકલ્પ ન હોવાથી તેઓ પીવા તેમજ વપરાશ માટે મજબૂરીવશ આ જ ઝેરી પાણીનો ઉપયોગ કરી રહ્યા છે. આ ગંદા પાણીના વપરાશથી ગામમાં ચામડીના તેમજ પાણીજન્ય રોગચાળાના કેસોમાં ચિંતાજનક વધારો થયો છે અને આ પાણી પીવાના કારણે સ્થાનિક માલઢોર તથા અબોલા પશુઓ પણ મોટા પાયે બીમાર પડી રહ્યા છે, જેને પગલે રોષે ભરાયેલા ગ્રામજનોએ વહીવટી તંત્ર સામે ભારે આક્રોશ વ્યક્ત કરીને તાત્કાલિક ધોરણે આ તળાવની સંપૂર્ણ સફાઈ કરાવવાની ઉગ્ર માંગ ઉઠાવી છે.
