સુરેન્દ્રનગર: ગેરકાયદેસર હથિયાર સાથે મૂળીના યુવાનને SOGએ દબોચ્યો, છેલ્લા 24 કલાકમાં બે શખ્સો ઝડપાયા
છેલ્લું અપડેટ : 30 Jan 2025
સુરેન્દ્રનગરમાં ગેરકાયદેસર હથિયારો ઝડપાવાનો સિલસિલો યથાવત જોવા મળ્યો છે. આજે બીજા દિવસે એક યુવાન હથિયાર સાથે ઝડપાયો છે. મૂળીના વગડીયા ફાટક નજીકથી એક યુવક ગેરકાયદેસર હથિયાર સાથે ઝડપાયો હતો.
મનસુખ કોળી નામના યુવકની અટકાયત કરી
સુરેન્દ્રનગર એસ.ઓ.જી પોલીસે મનસુખ કોળી નામના યુવકની અટકાયત કરી હતી મળતા અહેવાલ પ્રમાણે છેલ્લા 24 કલાકમાં 2 ગેરકાયદેસર હથિયારો સાથે બે શખ્સો ઝડપાયા છે. એક તરફ સુરેન્દ્રનગર જિલ્લામાં ફાયરિંગની ઘટનાઓ વધી રહી છે ત્યારે આવા ગેરકાયદેસર હથિયારો જિલ્લામાં કોણ ઘુસાડી રહ્યું છે તે એક સવાલ છે.
ગત રોજ મેરા નજીક ગેરકાયદેસર હથિયાર સાથે શખ્સ ઝડપાયો
સુરેન્દ્રનગરના મેરા નજીકથી ગેરકાયદેસર હથિયાર સાથે યુવકને ઝડપી પાડવામાં આવ્યો. SOGએ યુવક દોદલ સંધિની ગેરકાયદેસર મઝરલોડ બધુંક સાથે અટકાયત કરવામાં આવી હતી, આ અંગે પોલીસ દ્વારા વધુ તપાસ હાથ ધરવામાં આવી છે.
