VIDEO: પાટડીના લોકમેળામાં ધિંગાણું; તંત્રના આદેશ બાદ પણ દિવસભર ચાલુ રહી રાઈડ, પોલીસની કામગીરી સામે સવાલ
છેલ્લું અપડેટ : 14 Aug 2026
સોર્સ : gstv
સુરેન્દ્રનગર જિલ્લાના પાટડીમાં યોજાયેલા લોકમેળામાં ધિંગાણું સર્જાતા તંત્રની કામગીરી સામે સવાલો ઉઠ્યા છે. ડેપ્યુટી કલેકટર દ્વારા રાઈડ બંધ કરવાના આદેશ આપવામાં આવ્યા હોવા છતાં દિવસ દરમિયાન રાઈડ ચાલુ રહી અને રાત્રિના સમયે ધિંગાણું સર્જાયા બાદ પોલીસે રાઈડ બંધ કરાવી હતી.
પરમીશન વગર જ ધારાસભ્ય પી.કે.પરમાર સહિતના આગેવાનોએ મેળાનું લોકાર્પણ કર્યું હતું. ડેપ્યુટી કલેકટર દ્વારા રાઈડ બંધ કરવા આદેશ કરાયો હોવા છતાં પાટડી પોલીસે સવારથી રાઈડ ચાલુ રહેવા દીધી હોવાના આક્ષેપો થઈ રહ્યા છે. રાત્રે મેળામાં ધિંગાણું સર્જાયા બાદ પોલીસ હરકતમાં આવી હતી અને રાઈડ બંધ કરાવી હતી. લોકોમાં ચર્ચા થઈ રહી છે કે જો રાઈડ બંધ કરવાનો આદેશ પહેલેથી જ આપવામાં આવ્યો હતો, તો તેનો અમલ સમયસર કેમ ન કરાયો? ઘટના બાદ પોલીસની કામગીરી સામે પણ સવાલો ઉઠ્યા છે.
