VIDEO: મંજૂરી વગર અને જોખમી રાઈડ્સ સાથે શરૂ થયેલા પાટડીના મેળા સામે તંત્ર લાલઘૂમ
છેલ્લું અપડેટ : 14 Aug 2026
સોર્સ : gstv
સુરેન્દ્રનગર જિલ્લાના પાટડી ખાતે યોજાતો શ્રાવણ માસનો પ્રથમ મોટો મેળો વિવાદોના ઘેરાવામાં આવી ગયો છે. પાટડી નગરપાલિકા દ્વારા મેળાનું મેદાન ફાળવવામાં આવ્યું છે, પરંતુ પ્રશાસન કે પાટડી પ્રાંત અધિકારીની કાયદેસરની મંજૂરી વગર જ ૧૪ અને ૧૫ ઓગસ્ટના રોજ યોજાનારા આ મેળામાં જોખમી રાઈડ્સ લગાવી દેવામાં આવી છે. તાજેતરમાં પડેલા વરસાદના કારણે મેળાના ગ્રાઉન્ડની જમીન પણ અત્યારે ભેજયુક્ત અને પોચી બની ગઈ છે, જેના કારણે કોઈપણ મોટી દુર્ઘટના સર્જાવાની આશંકા સેવાઈ રહી છે. કોઈ પણ જાતની મંજૂરી કે સુરક્ષાના સાધનો વિના ચાલી રહેલા આ મેળા સામે જવાબદાર તંત્ર દ્વારા કડક કાર્યવાહી કરવામાં આવે તેવી લોકબૂમ ઉઠી છે.
