VIDEO: સુરેન્દ્રનગરની સી.જે. હોસ્પિટલના તબીબોએ અદભુત ચમત્કાર કરી 700 ગ્રામની નવજાત બાળકીનો જીવ બચાવ્યો
છેલ્લું અપડેટ : 06 Aug 2026
સોર્સ : gstv
સુરેન્દ્રનગરની સી.જે. હોસ્પિટલમાં એક પ્રેરણાદાયી ઘટના સામે આવી છે, જ્યાં જન્મ સમયે માત્ર 700 ગ્રામ વજન ધરાવતી અને જન્મની સાથે જ હૃદયના ધબકારા થોડી ક્ષણો માટે ગુમાવી ચૂકેલી એક નવજાત બાળકીને તબીબો અને નર્સિંગ સ્ટાફની અથાક મહેનતથી નવજીવન મળ્યું છે. જન્મની શરૂઆતની મિનિટોમાં જ હૃદય બંધ થઈ જતા ડૉક્ટરોએ તાત્કાલિક સીપીઆર અને પંપીંગ દ્વારા તેના ધબકારા પરત લાવવામાં સફળતા મેળવી હતી. આ પછી સતત 60 દિવસ સુધી NICUમાં ઓક્સિજન લેવલ અને વજન પર ઝીણવટભરી દેખરેખ રાખીને બાળકીને સાજા કરવામાં આવી. અતિ નાજુક સ્થિતિમાંથી દીકરીને હેમખેમ ઘર ભેગી થતી જોઈને માતા-પિતાની ખુશીનો કોઈ પાર ન રહ્યો અને તબીબી આખી ટીમને ભારે આવકાર મળ્યો.
