Surat news: હિન્દુ મહિલાને પ્રેમજાળમાં ફસાવી યુવકે લાખો પડાવ્યા, સાઉદી અરેબિયા લઈ જઈ કરાવ્યું ધર્મ પરિવર્તન
છેલ્લું અપડેટ : 18 Feb 2026
સોર્સ : GSTV
સુરત શહેરના લાલગેટ વિસ્તારમાં રહેતા પરિણીત યુવકે હિંદુ NRI મહિલાને પ્રેમજાળમાં ફસાવી તેને સાઉદી અરેબિયા લઈ જઈ ધર્મ પરિવર્તન કરાવ્યું હતું, ત્યારબાદ આરોપીએ મહિલાને બ્લેકમેલિંગ કરી દાગીના, ફ્લેટ તથા લાખો રોકડ પડાવી હતી. પીડિતાના ભાઈએ આ બાબતે લાલગેટ પોલીસમાં ફરિયાદ નોંધાવી છે.
આરોપી સામે ખંડણી સહિતની ગંભીર કલમો હેઠળ ગુનો દાખલ
પ્રાપ્ત માહિતી મુજબ સુરત શહેરના લાલગેટ વિસ્તારમાં રહેતા એઝાઝ સલીમ પટેલ (30) પરિણીત યુવકે હિંદુ NRI મહિલાને પ્રેમજાળમાં ફસાવી હતી, ત્યારબાદ તેને સાઉદી અરેબિયા લઈ જઈ ધર્મ પરિવર્તન કરાવી આરોપીએ મહિલાને બ્લેકમેઇલિંગ કરી 18 તોલા સોનાના દાગીના, હૈદરાબાદમાં 50 લાખનો ફ્લેટ તથા રૂપિયા 60 લાખની રોકડ પડાવી હતી. આ અંગે પીડિતાના ભાઈએ લાલગેટ પોલીસમાં ફરિયાદ નોંધાવી છે. પોલીસ આરોપી સામે ખંડણી સહિતની ગંભીર કલમો હેઠળ ગુનો નોંધી ધરપકડ કરી છે.
