VIDEO: સુરતના હજીરા ONGC પ્લાન્ટમાં દીપડાના ધામા
છેલ્લું અપડેટ : 28 Jul 2026
સોર્સ : gstv
સુરત શહેરના હજીરા ઔદ્યોગિક વિસ્તારમાં વન્યજીવની હાજરીથી ભારે ફફડાટ વ્યાપી ગયો છે. થોડા સમય અગાઉ ક્રિભકો વિસ્તાર તરફ પણ દીપડાની અવરજવર જોવા મળી હતી. શુક્રવારે રાત્રે આશરે આઠ વાગ્યાના સુમારે ONGC પ્લાન્ટ પરિસરમાં લાગેલા સીસીટીવી કેમેરામાં એક દીપડો લટાર મારતો સ્પષ્ટપણે કેદ થયો હતો. ઔદ્યોગિક બેલ્ટમાં દીપડાના ધામા હોવાની માહિતી મળતા જ વન વિભાગની ટીમ તાત્કાલિક દોડતી થઈ ગઈ હતી. સુરક્ષા અને સલામતીના ભાગરૂપે પ્લાન્ટ વિસ્તારમાં દીપડાને વહેલી તકે પાંજરે પૂરવા માટે વન વિભાગ દ્વારા ખાસ એક પાંજરું ગોઠવવામાં આવ્યું છે, જેથી કર્મચારીઓમાં ફેલાયેલા ડરનો માહોલ દૂર થઈ શકે.
