VIDEO: સુરતના સિંગણપોરમાં બેગના ગોડાઉનમાં જોતજોતામાં લપેટાઈ આખી ઈમારત!
છેલ્લું અપડેટ : 21 Aug 2026
સોર્સ : gstv
સુરતના સિંગણપોર વિસ્તારના નવા મહોલ્લામાં આવેલા એક ગ્રાઉન્ડ પ્લસ બે માળના મકાનમાં ૧૧ ઑગસ્ટે અચાનક ભીષણ આગ ફાટી નીકળતાં ભારે અફરાતફરી સર્જાઈ હતી. મકાનમાં બેગના ગોડાઉનના કારણે આગે જોતજોતામાં વિકરાળ સ્વરૂપ ધારણ કરી લીધું હતું, જેમાં મહિલા સહિત ૩ લોકો ફસાઈ જતાં સ્થાનિકોએ નીચે ટેમ્પો ઊભો રાખી દોરડા વડે સાહસપૂર્વક તમામનું રેસ્ક્યૂ કર્યું હતું. ઘટનાની જાણ થતાં જ ૫ ફાયર સ્ટેશનની ૧૦થી વધુ ગાડીઓ સ્થળ પર દોડી આવી હતી અને ભારે જહેમત બાદ આગ પર પ્રાથમિક કાબૂ મેળવ્યો હતો. ટેરેસ પર રહેલા પતરાના શેડમાં બેગનો જથ્થો હોવાથી આગ ફરી ભભૂકી ઉઠી હતી, જેને બુઝાવવા માટે ફાયર ટીમે સતત પાણીનો મારો ચલાવી કામગીરી ચાલુ રાખી હતી.
