VIDEO: સુરતના ડિંડોલી વિસ્તારની આરજેડી પ્લાઝા હોટેલમાં રિસેપ્શન પર વાતચીત કરતા યુવકનું અચાનક હાર્ટ એટેકથી થયું લાઈવ મોત
છેલ્લું અપડેટ : 17 Aug 2026
સોર્સ : gstv
સુરત શહેરના ડિંડોલી વિસ્તારમાંથી એક હૃદયદ્રાવક અને ચોંકાવનારી ઘટના સામે આવી છે. ડિંડોલી સ્થિત આરજેડી પ્લાઝા હોટેલના રિસેપ્શન કાઉન્ટર પર એક યુવક ઊભો રહીને સામાન્ય વાતચીત કરી રહ્યો હતો, તે દરમિયાન જ અચાનક તે ઢગલો થઈને નીચે જમીન પર ઢળી પડ્યો હતો. યુવકને અચાનક આવેલા આ હાર્ટ એટેક અથવા ગંભીર બિમારીના કારણે સ્થળ પર જ તેનું કરુણ મોત નીપજ્યું હતું, જેને લાઈવ મોત તરીકે જોવામાં આવી રહ્યું છે. આ સમગ્ર આઘાતજનક ઘટના હોટેલમાં લાગેલા સીસીટીવી કેમેરામાં કેદ થઈ ગઈ હતી, જેનો વિડિયો સોશિયલ મીડિયા પર વાયરલ થતાં ભારે ચર્ચાનો વિષય બન્યો છે. અચાનક બનેલી આ ઘટનાથી યુવકના પરિવારમાં શોકનું મોજુ ફરી વળ્યું છે અને યુવાવસ્થામાં આ પ્રકારે અચાનક થતા મોતોને લઈને લોકોમાં ચિંતા વ્યાપી ગઈ છે.
