Surat news: મહિલાએ ઈમારતના 14 માળેથી પુત્ર સાથે પડતું મૂક્યું, બંનેના મોત
છેલ્લું અપડેટ : 25 Dec 2025
સોર્સ : gstv
ગુજરાતના સુરતમાંથી ખાસ અહેવાલ સામે આવ્યા છે. સુરતના પોશ ગણાતા અલથાણ વિસ્તારમાં આજે એક કાળજું કંપાવી દે તેવી ઘટના સામે આવી છે. જેમાં સુરતના ખટોદરા વિસ્તારમાં આવાસના બિલ્ડિંગના 14મા માળેથી એક માતાએ પોતાના દીકરા સાથે મોતની છલાંગ લગાવી હતી. આ દુ:ખદ ઘટનામાં બન્નેના મોત નિપજ્યા છે. ઉંચાઈ પરથી પટકાવાને કારણે થયેલા પ્રચંડ અવાજથી આસપાસના રહીશો દોડી આવ્યા હતા.
ઇજાગ્રસ્ત માતાનું સારવાર દરમ્યાન મોત
મોતની છલાંગ લગાવનાર મહિલા ગંભીર રીતે ઇજાગ્રસ્ત થઈ હતી. તાત્કાલિક સારવાર અર્થે સિવિલ હોસ્પિટલ ખસેડવામાં આવ્યા છે, જ્યાં મહિલાનું મોત નીપજ્યું છે.
ખટોદરા પોલીસનો કાફલો સ્થળ પર પહોંચી ગયો
ઘટનાની જાણ થતા જ ખટોદરા પોલીસનો કાફલો સ્થળ પર પહોંચી ગયો હતો. માતાએ આટલું અંતિમ પગલું શા માટે ભર્યું તે અંગે પોલીસે તપાસનો ધમધમાટ શરૂ કર્યો છે. પોલીસ તમામ પાસાઓ હેઠળ તપાસ કરી રહી છે.
