VIDEO: હિંમતનગરમાં મોંઘવારીનો માર સામાન્ય જનતાના ગળા સુધી આવ્યો, ગેસ સિલિન્ડરના ભાવમાં થયેલા તોતિંગ વધારાની છે આ અસર
છેલ્લું અપડેટ : 09 May 2026
સોર્સ : gstv
સાબરકાંઠાના વડા મથક હિંમતનગરમાં મોંઘવારીનો માર હવે સામાન્ય જનતાના ગળા સુધી આવી ગયો છે. કોમર્શિયલ ગેસ સિલિન્ડરના ભાવમાં થયેલા તોતિંગ વધારાને પગલે શહેરના ટી-સ્ટોલ પર એક કપ ચાની કિંમત ₹20 સુધી પહોંચી ગઈ છે, જેના કારણે કીટલીઓ પર ગ્રાહકોની ભીડ ઓછી થઈ રહી છે.
માત્ર ચા જ નહીં, પરંતુ તેલ અને મસાલાના વધતા ભાવને લીધે મંચુરિયન, દાબેલી, પફ અને ખમણ જેવી ચીજવસ્તુઓમાં પણ ₹5 થી ₹10નો વધારો થયો છે. ટી-સ્ટોલ સંચાલક કુંદનસિંહ જોધા અને ગ્રાહક કપિલભાઈ પટેલના જણાવ્યા અનુસાર, ચીજવસ્તુઓ મોંઘી થતા મધ્યમ વર્ગના ખિસ્સા પર બોજ વધ્યો છે, જ્યારે વેપારીઓ માટે જૂના ભાવે વેચાણ કરવું હવે અશક્ય બન્યું છે. આમ, સામાન્ય માણસની હમસફર ગણાતી ચા હવે મોંઘી મિરાત સમાન બની ગઈ છે.
