VIDEO: સાબરકાંઠામાં મંજૂરી વગર જ સરકારી ક્વાર્ટર્સ જમીનદોસ્ત, વહીવટી તંત્રમાં દોડધામ
છેલ્લું અપડેટ : 14 May 2026
સોર્સ : gstv
સાબરકાંઠા જિલ્લાના ઈડર તાલુકાના જાદર ગામે નિયમોને નેવે મૂકીને સરકારી ક્વાર્ટર્સ તોડી પાડવાનું મોટું કૌભાંડ પ્રકાશમાં આવ્યું છે. કોઈપણ પ્રકારની પૂર્વ મંજૂરી, જાહેર ખબર કે હરાજીની પ્રક્રિયા કર્યા વિના જ આ સરકારી ઇમારતોને તોડી પાડવામાં આવતા વહીવટી તંત્રમાં દોડધામ મચી ગઈ છે.
નવાઈની વાત તો એ છે કે, ઇમારતો તોડી પાડ્યા બાદ તેનો કિંમતી કાટમાળ પણ સ્થળ પરથી ગાયબ કરી દેવામાં આવ્યો છે, જે સીધેસીધું સરકારી તિજોરીને નુકસાન પહોંચાડવાનું કૃત્ય હોવાનું મનાઈ રહ્યું છે. આ ગંભીર બેદરકારી અને ગેરરીતિ અંગે જાગૃત અરજદારે લેખિતમાં રજૂઆત કરતા સમગ્ર મામલો બહાર આવ્યો છે. અરજી મળતા જ પ્રાંત અધિકારી હરકતમાં આવ્યા છે અને આ મામલે તાલુકા વિકાસ અધિકારી ને સાથે રાખી તપાસના આદેશ આપ્યા છે.