VIDEO/ Rajkot: ધોરાજી પંથકમાં પેટ્રોલ-ડીઝલ મેળવવા કાળઝાળ ગરમીમાં લાગી વાહનોની લાંબી કતાર
છેલ્લું અપડેટ : 23 May 2026
સોર્સ : GSTV
રાજકોટ જિલ્લાના ધોરાજી પંથકમાં પેટ્રોલ-ડીઝલની તીવ્ર અછત અને સતત થઈ રહેલા ભાવવધારાને કારણે ખેડૂતો તથા વાહનચાલકો ભારે મુશ્કેલીમાં મુકાયા છે. ઈંધણ મેળવવા માટે વહેલી સવારથી જ પેટ્રોલ પંપો પર વાહનોની કિલોમીટરો લાંબી લાઈનો જોવા મળી રહી છે, જેના કારણે લોકોને આ કાળઝાળ ગરમીમાં કલાકો સુધી ભારે હેરાનગતિ ભોગવવી પડી રહી છે.
વૈશ્વિક સ્તરે ચાલી રહેલા યુદ્ધના કારણે ઇંધણના ભાવમાં મોટો ઉછાળો આવ્યો છે, જેમાં પેટ્રોલના ભાવમાં પ્રતિ લીટર રૂ. ૩.૮૪ અને ડીઝલના ભાવમાં રૂ. ૪.૯૬નો તોતિંગ વધારો નોંધાયો છે. એકતરફ મોંઘવારી અને બીજી તરફ જરૂરિયાત મુજબનું ઈંધણ ન મળવાને કારણે સ્થાનિક ખેતીના કામો અને દૈનિક પરિવહન સંપૂર્ણપણે ખોરવાઈ ગયા છે. આ અસુવિધાને પગલે સામાન્ય નાગરિકો અને જગતના તાતમાં તંત્ર પ્રત્યે ભારે રોષની લાગણી જોવા મળી રહી છે.
