VIDEO: જેતપુર: ગેસ એજન્સીનું લાયસન્સ રદ થતાં ગ્રાહકો પાયમાલ, ઓફિસને તાળા વાગતાં લોકોમાં રોષ!
છેલ્લું અપડેટ : 14 Jul 2026
સોર્સ : gstv
રાજકોટના જેતપુરમાં સૌરાષ્ટ્ર ગેસ એજન્સીનું લાયસન્સ રદ થતાં હજારો ગ્રાહકો મુશ્કેલીમાં મુકાયા છે. ગેસ સિલિન્ડર સમયસર ન મળતા ગ્રાહકોમાં ભારે રોષ જોવા મળી રહ્યો છે. ગેસ રિફીલિંગના વીડિયો વાયરલ થયા બાદ એજન્સી સામે કાર્યવાહી કરી લાયસન્સ રદ કરવામાં આવ્યું હોવાનું જાણવા મળી રહ્યું છે. હાલ ગેસ વિતરણની જવાબદારી ગોંડલની સ્પાર્ક અને મહારાજા ગેસ એજન્સીને સોંપવામાં આવી છે. કણકીયા પ્લોટ સ્થિત એજન્સીની ઓફિસ બંધ હોવાથી ગ્રાહકોનો ધસારો જોવા મળ્યો હતો. ગ્રાહકોએ તાત્કાલિક નિયમિત અને સમયસર ગેસ સિલિન્ડર વિતરણ શરૂ કરવાની માંગ કરી છે.
