VIDEO/ પાટણમાં મતદાનમાં નીરસતા! વોર્ડ નંબર 4 માં માત્ર 8% મતદાન!
છેલ્લું અપડેટ : 26 Apr 2026
સોર્સ : GSTV
પાટણ: પાટણ જિલ્લામાં આજે સ્થાનિક સ્વરાજની ચૂંટણી માટે મતદાન પ્રક્રિયા ચાલી રહી છે, પરંતુ જિલ્લા મથકે મતદારોમાં જોઈએ તેવો ઉત્સાહ જોવા મળી રહ્યો નથી. ખાસ કરીને પાટણ નગરપાલિકાના વિસ્તારોમાં મતદાનની ગતિ અત્યંત ધીમી નોંધાઈ છે, જે વહીવટી તંત્ર અને ઉમેદવારો માટે ચિંતાનો વિષય બન્યો છે.
વોર્ડ નંબર 4 માં નિરસ માહોલ
પાટણ નગરપાલિકાના વોર્ડ નંબર 4 માં આવેલી વી. કે. ભૂલા હાઈસ્કૂલ ખાતે મતદાન મથકની સ્થિતિ જોતા લોકશાહીના આ પર્વ પ્રત્યે લોકોની ઉદાસીનતા સ્પષ્ટપણે દેખાઈ રહી છે. સવારથી જ અહીં મતદારોની પાંખી હાજરી જોવા મળી છે. અત્યાર સુધીના આંકડા મુજબ, અહીં માત્ર 8 ટકા જેટલું જ મતદાન નોંધાયું છે.