VIDEO: પાટણ: સિદ્ધપુરના બિલિયા ગામ નજીક ગમખ્વાર અકસ્માત, બે ખેડૂતોનાં મોત
છેલ્લું અપડેટ : 08 Aug 2026
સોર્સ : gstv
પાટણ જિલ્લાના સિદ્ધપુર તાલુકાના બિલિયા ગામ નજીક ગમખ્વાર અકસ્માત સર્જાયો છે. અકસ્માતમાં કારની અડફેટે બાઈક પર સવાર બે ખેડૂતોનાં મોત નિપજ્યાં છે. ખેતરેથી ઘરે પરત ફરી રહેલા પાડોશી ખેડૂતો નવીન હરગોવન પટેલ અને અંબારામ મોતી પટેલ આ અકસ્માતનો ભોગ બન્યા છે. મહેસાણા ખસેડતી વખતે અંબારામભાઈનું તથા સારવાર દરમિયાન નવીનભાઈનું નિધન થયું. અકસ્માત સર્જી વાહન મૂકી અજાણ્યો કાર ચાલક સ્થળ પરથી ભાગી ગયો છે. સિદ્ધપુર પોલીસ સ્ટેશનમાં ફરાર ચાલક સામે ગુનો દાખલ કરવામાં આવ્યો છે. એક જ મહોલ્લાના બે ખેડૂતોના મોતથી ગામમાં અરેરાટી છવાઈ ગઈ છે.
