VIDEO : કડીના કલ્યાણપુરામાં વીજ લાઈનમાં શોર્ટ સર્કિટથી ખેતરમાં ભીષણ આગ, ડાંગરનો તૈયાર પાક બળીને ખાખ
છેલ્લું અપડેટ : 09 May 2026
સોર્સ : gstv
મહેસાણા જિલ્લાના કડી તાલુકાના કલ્યાણપુરા ગામની સીમમાં બંધ પડેલી રામદેવ ઓઇલ મીલ પાસેથી પસાર થતી વીજ લાઈનમાં શોર્ટ સર્કિટ થતા તેના તણખલાં સૂકી વાડમાં પડ્યા હતા, જેને પગલે આગે જોતજોતામાં વિકરાળ સ્વરૂપ ધારણ કરી લીધું હતું. આ દુર્ઘટનામાં ખેતરમાં તૈયાર થયેલો ઉનાળુ ડાંગરનો ઊભો પાક બળીને ખાખ થઈ ગયો છે. મહેનતનો પાક નાશ પામતા ખેડૂતની હાલત પડ્યા પર પાટું જેવી કફોડી બની છે. ઘટનાની જાણ થતા જ કડી નગરપાલિકાની ફાયર ટીમે તાત્કાલિક સ્થળ પર પહોંચી આગ પર કાબૂ મેળવ્યો હતો, પરંતુ ત્યાં સુધીમાં ખેડૂતને મોટું આર્થિક નુકસાન વેઠવાનો વારો આવ્યો હતો.
