VIDEO: ખેડાના નડિયાદમાં દંપતી વાહન સાથે કેનાલમાં ખાબક્યું, રેસ્ક્યુ કામગીરી શરૂ કરાઈ
છેલ્લું અપડેટ : 12 Sept 2026
સોર્સ : gstv
ખેડા જિલ્લાના નડિયાદ નજીક સુરાશામળ ગરનાળા પાસે એક દુખદ અકસ્માત સર્જાયો છે. ચલાલી ગામના શક્તિનગર મોટા મંદિર વિસ્તારમાં રહેતા ભરત તળપદા અને તેમનાં ગર્ભવતી પત્ની સોનલબેન તળપદા નડિયાદ હોસ્પિટલથી રૂટિન ચેકઅપ કરાવીને ટુ-વ્હીલર પર પરત ફરી રહ્યા હતા. આ દરમિયાન વાહન પરથી કાબુ ગુમાવતા દંપતી મોટી નહેરમાં ખાબક્યું હતું. ઘટનાની જાણ થતાં જ સ્થાનિક લોકો અને ફાયર બ્રિગેડની ટીમ તુરંત જ સ્થળ પર પહોંચી ગઈ હતી. હાલ નહેરમાં ખાબકેલા દંપતીની શોધખોળ માટે વહીવટીતંત્ર દ્વારા રેસ્ક્યૂ કામગીરી હાથ ધરવામાં આવી છે.
