VIDEO: જૂનાગઢમાં કાળઝાળ ગરમીનો પ્રકોપ, તાપમાનનો પારો 42 ડિગ્રીને પાર
છેલ્લું અપડેટ : 13 May 2026
સોર્સ : gstv
જૂનાગઢમાં સૂર્યદેવ લાલચોળ બનતા તાપમાનનો પારો 42 ડિગ્રીને પાર પહોંચ્યો છે, જેના કારણે ગિરનારી નગરી જાણે ભઠ્ઠીમાં શેકાઈ રહી હોય તેવો અહેસાસ થઈ રહ્યો છે. સવારના 11 વાગ્યાથી શરૂ થતો ગરમીનો પ્રકોપ સાંજ સુધી યથાવત રહે છે, પરિણામે બપોરના સમયે રાજમાર્ગો પર સન્નાટો છવાઈ જાય છે અને સ્વયંભૂ કર્ફ્યુ જેવી સ્થિતિ સર્જાય છે. કાળઝાળ ગરમી અને લૂથી બચવા લોકો ઘરની બહાર નીકળવાનું ટાળી રહ્યા છે અને ઠંડા પીણાં તેમજ શેરડીના રસનો સહારો લઈ રહ્યા છે. આ ભીષણ ગરમીમાં રાહદારીઓને રાહત આપવા માટે વિવિધ સેવાભાવી સંસ્થાઓ મેદાને આવી છે, જેમના દ્વારા ઠેર-ઠેર નિશુલ્ક ઠંડી છાશ અને શરબતનું વિતરણ કરવામાં આવી રહ્યું છે. હવામાન વિભાગની આગાહી મુજબ હજુ પણ ગરમીનું જોર યથાવત રહેવાની શક્યતા હોવાથી જનજીવન પર તેની વ્યાપક અસર જોવા મળી રહી છે.
