VIDEO: માંગરોળ પંથકમાં લાંબા વિરામ બાદ મેઘરાજાની એન્ટ્રીથી મગફળીના પાકને જીવતદાન મળ્યું
છેલ્લું અપડેટ : 20 Sept 2026
સોર્સ : gstv
જૂનાગઢ જિલ્લાના માંગરોળ પંથક અને આસપાસના ગ્રામ્ય વિસ્તારોમાં લાંબા વિરામ બાદ મેઘરાજાની ગાજવીજ સાથે ધમાકેદાર એન્ટ્રી થઈ છે. વરસાદ ખેંચાતા અને ખેતરોમાં મગફળીનો પાક સુકાવા લાગતા ધરતીપુત્રો ભારે ચિંતામાં મુકાયા હતા અને વરસાદની કાગડોળે રાહ જોઈ રહ્યા હતા. આજે ગાજવીજ સાથે પડેલા ધોધમાર વરસાદથી ખેતરોમાં પાણી પહોંચી જતાં સુકાઈ રહેલા મગફળી સહિતના ચોમાસુ પાકને નવું જીવતદાન મળવાની મોટી આશા જાગી છે. સમયસર પધારેલા વરસાદને કારણે પાક બચી જવાની ખુશી સાથે ખેડૂતોના ચહેરા પર હાસ્ય ફરી વળ્યું છે. હજુ પણ સારો વરસાદ વરસે તો મગફળીના ઉત્પાદનમાં મોટો ફાયદો થશે તેવી આશા સાથે સમગ્ર પંથકમાં રાહતનો માહોલ છવાયો છે.
