VIDEO: જામનગરના ફોરેસ્ટ રિસોર્ટમાં લાગેલી આગ બાદ તંત્ર સફાળું જાગ્યું, 4 રેસ્ટોરન્ટને કરી સીલ
છેલ્લું અપડેટ : 06 May 2026
સોર્સ : gstv
જામનગરના ફોરેસ્ટ રિસોર્ટમાં લાગેલી ભીષણ આગ બાદ હવે તંત્ર સફાળું જાગ્યું છે. ઉનાળાની શરૂઆતમાં જ આગના બનાવોમાં થતા વધારાને જોતા જામનગર ફાયર વિભાગ અત્યારે એક્શન મોડમાં જોવા મળી રહ્યું છે. સુરક્ષાના નિયમોનું ઉલ્લંઘન કરનારા એકમો સામે કડક કાર્યવાહી હાથ ધરવામાં આવી છે. તપાસ દરમિયાન જે રેસ્ટોરન્ટ પાસે ફાયર NOC અથવા BU પરમિશન ન હતી, તેવી શહેરની જાણીતી ચાર રેસ્ટોરન્ટને સીલ કરી દેવામાં આવી છે. ફાયર વિભાગના અધિકારીઓએ સ્પષ્ટ ચેતવણી આપી છે કે જાહેર જનતાની સુરક્ષા સાથે બાંધછોડ કરનારા કોઈપણ મિલકત ધારકોને છોડવામાં આવશે નહીં. આ કામગીરીને પગલે અન્ય બિનઅધિકૃત પ્રોપર્ટી ધારકોમાં ભારે ફફડાટ વ્યાપી ગયો છે. હાલમાં સમગ્ર શહેરમાં ફાયર સેફ્ટીના સાધનોની ચકાસણી માટે સઘન ડ્રાઈવ ચલાવવામાં આવી રહી છે.
