VIDEO: Jamnagar / રિસોર્ટમાં લગ્ન પ્રસંગ દરમિયાન લાગી ભીષણ આગ, સદનસીબે જાનહાનિ ટળી
છેલ્લું અપડેટ : 02 May 2026
સોર્સ : GSTV
જામનગરમાં રણજીતસાગર રોડ પર આવેલા એક રિસોર્ટમાં લગ્ન પ્રસંગ દરમિયાન આગ લાગવાની ઘટના સામે આવી છે. મંડપમાં અચાનક લાગેલી આગને કારણે ધુમાડાના ગોટેગોટા દૂર-દૂર સુધી જોવા મળ્યા હતા. મંડપના કાપડ અને ડેકોરેશનના કારણે આગે જોતજોતામાં વિકરાળ સ્વરૂપ ધારણ કર્યું હતું. ઘટનાની જાણ થતા જ જામનગર ફાયર વિભાગનો કાફલો તાત્કાલિક ઘટનાસ્થળે પહોંચ્યો હતો અને ભારે જહેમત બાદ આગ પર કાબૂ મેળવ્યો હતો. સદનસીબે, આગની આ ઘટનામાં કોઈ જાનહાનિ થઈ નથી, પરંતુ મંડપનો મોટો હિસ્સો બળીને ખાખ થઈ ગયો છે.
