Video: કચ્છમાં વીજસંકટ ઘેરાયું:વિજકાપ વચ્ચે તંત્ર એક્શનમાં

કચ્છ સહિત સમગ્ર રાજ્યમાં તહેવારોના દિવસો દરમિયાન 'ઓક્ટોબર હીટ' અને પવન ઊર્જાના ઉત્પાદનમાં ઘટાડાને કારણે ગંભીર વીજસંકટ સર્જાયું છે.કોલસા-ગેસની અછત અને થર્મલ પ્લાન્ટ બંધ હોવાના લીધે વીજ ઉત્પાદન ઘટતાં ગ્રીડનું સંતુલન જાળવવું પડકારજનક બન્યું છે.આ પરિસ્થિતિને પહોંચી વળવા તંત્ર દ્વારા ઔદ્યોગિક એકમો માટે 'સ્ટેગર્ડ હોલિડે' જાહેર કરીને શનિવારે કચ્છનો ઔદ્યોગિક વીજપુરવઠો સ્થગિત કરવાનો નિર્ણય લેવાયો છે.હાલમાં ખેતીવાડી અને ઔદ્યોગિક ફીડરો પર તબક્કાવાર વીજકાપ મૂકીને ઘરવપરાશનો પુરવઠો જાળવવા પ્રયાસો થઈ રહ્યા છે.તંત્રનો મુખ્ય ઉદ્દેશ્ય આવનારા દીપોત્સવીના તહેવારોમાં નાગરિકોને અવિરત વીજળી પૂરી પાડવાનો છે.