VIDEO/ Dwarkaમાં પેટ્રોલ-ડીઝલની અછત અને ભાવવધારાથી ખેડૂતો, પંપો પર કલાકો સુધી વાહનોની લાંબી લાઈનો!
છેલ્લું અપડેટ : 23 May 2026
દેવભૂમિ દ્વારકા જિલ્લામાં પેટ્રોલ-ડીઝલના સતત વધતા ભાવ અને ઈંધણની તીવ્ર અછત સામાન્ય નાગરિકો, ખેડૂતો અને બહારથી આવતા પ્રવાસીઓ માટે ગંભીર ચિંતાનો વિષય બની છે. પેટ્રોલ પંપો પર ઈંધણનો મર્યાદિત જથ્થો હોવાને કારણે વાહનચાલકોને કલાકો સુધી લાંબી કતારોમાં ઊભા રહેવું પડે છે. એટલું જ નહીં, ઘણીવાર એક પંપ પરથી ખાલી હાથે પરત ફરીને લોકોને બીજા પંપ પર ભટકવાની નોબત આવી છે.
વિશ્વપ્રસિદ્ધ યાત્રાધામ હોવાને કારણે દ્વારકામાં દરરોજ હજારો શ્રદ્ધાળુઓ આવે છે, જેમના માટે ઈંધણની આ તંગી ભારે માથાનો દુખાવો બની ગઈ છે. બીજી તરફ, ચોમાસું નજીક હોવાથી ખેડૂતો વાવણી અને કૃષિ કાર્યોની તૈયારીમાં વ્યસ્ત છે, પરંતુ ડીઝલની અછત અને મોંઘવારીને લીધે ખેતીકામનો ખર્ચ અનેકગણો વધી ગયો છે. નાના વેપારીઓ અને દૈનિક મુસાફરો પણ આ આર્થિક બોજથી બેહાલ છે, ત્યારે સ્થાનિક જનતાએ સરકાર પાસે ઈંધણનો પૂરતો પુરવઠો સુનિશ્ચિત કરવા અને ભાવવધારામાં તાત્કાલિક રાહત આપવાની ઉગ્ર માંગ કરી છે.