VIDEO: દાહોદના લીમડીમાં તળાવમાંથી મળી આવ્યો નવજાત બાળકીનો મૃતદેહ
છેલ્લું અપડેટ : 08 Sept 2026
સોર્સ : gstv
દાહોદના લીમડીમાં ગોધરા રોડ પર આવેલા ભારત પેટ્રોલ પંપ નજીકના તળાવમાંથી તાજી જન્મેલી નવજાત બાળકીનો મૃતદેહ પાણીમાં તરતો મળી આવ્યો છે. અજાણી મહિલા દ્વારા નવજાત બાળકીને તળાવમાં ફેંકીને ફરાર થઈ હોવાની આશંકા વ્યક્ત કરવામાં આવી રહી છે. સ્થાનિક યુવકો દ્વારા આ ઘટનાની જાણ થતાં જ લીમડી પોલીસ તાત્કાલિક ઘટનાસ્થળે દોડી આવી હતી અને હોડીની મદદથી બાળકીના મૃતદેહને બહાર કાઢી પોસ્ટમોર્ટમ અર્થે સરકારી હોસ્પિટલ ખસેડ્યો હતો. હાલ પોલીસે આ કૃત્ય આચરનાર અજાણી મહિલાની શોધખોળ તેજ કરી કાયદેસરની કાર્યવાહી હાથ ધરી છે.
