VIDEO: બોડેલીમાં ભારે વરસાદથી મેરિયા બ્રિજ પાસે બનાવેલું ડાયવર્ઝન ધોવાઈ ગયું
છેલ્લું અપડેટ : 24 Jul 2026
સોર્સ : gstv
બોડેલી સહિત છોટાઉદેપુર જિલ્લામાં વરસાદી માહોલ છવાયેલો જોવા મળ્યો. આ સતત વરસાદના કારણે નદી-નાળાઓમાં નવા નીરની આવક શરૂ થઈ ગઈ છે, જેના પરિણામે બોડેલીના મેરીયા બ્રિજ નીચે તૈયાર કરવામાં આવેલું જનતા ડાયવર્ઝન વરસાદી પાણીના તેજ પ્રવાહમાં તણાઈને ધોવાઈ ગયું છે. ડાયવર્ઝન ધોવાઈ જવાની આ ઘટનાને કારણે આ માર્ગ પરથી પસાર થતા ભારે વાહનચાલકો અને રાહદારીઓ માટે ભારે મુશ્કેલીઓ સર્જાઈ છે. વાહનવ્યવહારને અસર પહોંચતા સ્થાનિક તંત્ર દ્વારા સ્થિતિ પર નજર રાખીને જરૂરી વૈકલ્પિક વ્યવસ્થાઓ અને વાહનચાલકોની સુવિધા માટે તાત્કાલિક પગલાં ભરવાની કામગીરી હાથ ધરવામાં આવી રહી છે.
