VIDEO: ભાવનગરના મહુવા શહેર અને ગ્રામ્ય વિસ્તારમાં સવારથી અનરાધાર મેઘમહેર યથાવત્
છેલ્લું અપડેટ : 29 Aug 2025
સોર્સ : GSTV
VIDEO: ગુજરાતમાં વરસાદની 3 સિસ્ટમ સક્રિય થતા છેલ્લા બે દિવસથી ભાવનગર જિલ્લા સહિત સમગ્ર સૌરાષ્ટ્ર તેમજ દક્ષિણ ગુજરાતમાં વરસાદ વરસી રહ્યો છે. ભાવનગર જિલ્લામાં પણ છેલ્લા 2 દિવસથી વરસાદ પડી રહ્યો છે. ભાવનગર જિલ્લામાં આવેલા મહુવા શહેર અને ગ્રામ્ય વિસ્તારોમાં સવારના 6 વાગ્યાથી વરસાદી હેલી શરૂ થઈ છે. અનરાધાર વરસાદ વરસવાનું શરૂ કર્યું છે. જેથી કળસાર, નૈપ, માળવાવ, રોહિસા, વાઘનગર, ભાદ્રોડમાં મેઘમહેર થઈ રહી છે.
ભાવનગર જિલ્લામાં ઘણા સમય બાદ વરસાદ શરૂ થયો છે. સમગ્ર ભાવનગર જિલ્લામાં વરસાદી માહોલ જામ્યો છે. આજે સવારથી વરસાદ શરૂ થતા ખેડૂતોમાં આનંદની લાગણી ફેલાઈ છે. સારા એવા વરસાદથી ખેડૂતોના ખેતરોમાં સોનામાં સુગંધ ભળી છે. આ વર્ષે ખેડૂતોને સારા પાકની આશા બંધાઈ છે. જેથી આ વર્ષ સારું જશે. ઉપરાંત સવારથી અનરાધાર વરસાદ વરસવાને લીધે વાતાવરણમાં ઠંડક ફેલાઈ છે.
