VIDEO/ ભાવનગર: મહુવામાં મતદાન કરીને પરત ફરતા યુવકની છરીના ઘા ઝીંકી કરપીણ હત્યા
છેલ્લું અપડેટ : 27 Apr 2026
સોર્સ : GSTV
ભાવનગર જિલ્લામાં ચૂંટણીના દિવસે હત્યાની ગંભીર ઘટના સામે આવી છે. મહુવા તાલુકાના નવા બસ સ્ટેન્ડ પાસે સમીર યાફાઈ નામના વ્યક્તિની કરપીણ હત્યા કરવામાં આવી. મૃતક મતદાન કરીને પરત ફરી રહ્યા હતા ત્યારે ત્રણ શખ્સોએ તેમના સાથે બોલાચાલી કરી. બાદમાં છરી વડે હુમલો કરી તેમની હત્યા કરવામાં આવી હોવાનું સામે આવ્યું છે. પ્રાથમિક તપાસમાં જૂની અદાવતને કારણે આ હુમલો થયો હોવાની માહિતી મળી રહી છે. ઘટનાના પગલે વિસ્તારમાં ચકચાર મચી ગઈ છે. મહુવા ટાઉન પોલીસ દ્વારા મામલે આગળની તપાસ હાથ ધરવામાં આવી છે.
