VIDEO: અંકલેશ્વર-પાનોલી રોડની કામગીરીને લઈ તંત્રએ જાહેરનામું બહાર પાડયું
છેલ્લું અપડેટ : 09 Apr 2026
VIDEO: ભરૂચ જિલ્લામાં અંકલેશ્વર-પાનોલી વાયા ઉમરવાડા આલુંજ રોડ 60 દિવસ માટે બંધ કરવામાં આવ્યો છે ભરૂચના ઈન્ચાર્જ અધિક જિલ્લા મેજીસ્ટ્રેટે આ અંગે જાહેરનામું બહાર પાડ્યું છે.અને આ સમયગાળા દરમિયાન વાહનચાલકો ગોયા બજારથી અંકલેશ્વર હાંસોટ રોડના વૈકલ્પિક માર્ગનો ઉપયોગ કરી શકશે.
અંકલેશ્વર-પાનોલી વાયા ઉમરવાડા આલુંજ રોડ પર રિસરફેસિંગ અને સ્ટ્રેન્ધનીંગની કામગીરી શરૂ કરવામાં આવનાર છે. આ કામગીરીના સુચારુ સંચાલન અને જાહેર જનતાની સુરક્ષાને ધ્યાને રાખીને, ભરૂચના . અધિક જિલ્લા મેજીસ્ટ્રેટ પાર્થ જયસ્વાલ દ્વારા આ માર્ગ પર વાહન વ્યવહાર પ્રતિબંધિત કરી ડાયવર્ઝન આપતું જાહેરનામું પ્રસિદ્ધ કરવામાં આવ્યું છે.
આ માર્ગ આગામી 60 દિવસ સુધી વાહન વ્યવહાર માટે બંધ રાખવાનો નિર્ણય લેવામાં આવ્યો છે. આ સમયગાળા દરમિયાન વાહનચાલકો ગોયા બજારથી અંકલેશ્વર હાંસોટ રોડના વૈકલ્પિક માર્ગનો ઉપયોગ કરી શકશે. આ જાહેરનામાના કોઈ પણ પ્રકારના ભંગ બદલ સંબંધિત વ્યક્તિ ગુજરાત પોલીસ અધિનિયમની કલમ-131 હેઠળ શિક્ષાને પાત્ર ઠરશે. આ અંગે કાયદેસરની ફરિયાદ નોંધાશે.
