VIDEO: ભરૂચના મોદલિયા ગામમાં ખુલ્લી ગટરમાં પડી જતાં ચાર વર્ષની બાળકીનું મોત
છેલ્લું અપડેટ : 16 Sept 2026
સોર્સ : gstv
ભરૂચના મોદલિયા ગામમાં ખુલ્લી ગટરમાં પડી જતાં ચાર વર્ષની બાળકીનું મોત નીપજ્યું છે. પીપળી ફળિયામાં રહેતી પુષ્પાબેન વસાવાની ચાર વર્ષની દીકરી આરોહી ઘર નજીક અન્ય બાળકો સાથે રમી રહી હતી. દરમિયાન રમતાં રમતાં આરોહી ખુલ્લી ગટરમાં ઊંધા માથે પડી ગઈ હતી. બનાવની જાણ થતાં માતા તાત્કાલિક ઘટનાસ્થળે દોડી આવી હતી અને બાળકીને બેભાન હાલતમાં સારવાર માટે પ્રથમ નેત્રંગ અને ત્યારબાદ રાજપીપળા સિવિલ હોસ્પિટલમાં ખસેડવામાં આવી હતી. જોકે, હોસ્પિટલમાં ટૂંકી સારવાર દરમિયાન બાળકીનું મોત નીપજ્યું હતું. બનાવને પગલે વાલીયા પોલીસે ગુનો નોંધી વધુ તપાસ હાથ ધરી છે.
