VIDEO: પ્રસિદ્ધ યાત્રાધામ અંબાજી પંથકમાં મેઘરાજાની આગમનથી મુખ્ય બજારોમાં પાણી વહ્યા, ખેડૂતોમાં આનંદ
છેલ્લું અપડેટ : 18 Sept 2026
સોર્સ : gstv
પ્રસિદ્ધ યાત્રાધામ અંબાજી અને આસપાસના વિસ્તારોમાં લાંબા વિરામ બાદ મેઘરાજાની ધમાકેદાર એન્ટ્રી થઈ છે. વહેલી સવારથી જ વાદળછાયું વાતાવરણ રહ્યા બાદ બપોરના સમયે અચાનક વરસાદ શરૂ થયો હતો. ધોધમાર વરસાદને કારણે અંબાજીના મુખ્ય બજારો અને રસ્તાઓ પર વરસાદી પાણી વહેતા થઈ ગયા હતા. આ વરસાદથી સમગ્ર પંથકના વાતાવરણમાં ગુલાબી ઠંડક પ્રસરી જતાં લોકોને ગરમી અને બફારામાંથી આંશિક રાહત મળી છે. બીજી તરફ, ચોમાસાના વરસાદની આતુરતાપૂર્વક રાહ જોઈ રહેલા સ્થાનિક ખેડૂતોમાં ખુશીની લહેર દોડી ગઈ છે. પંથકમાં વરસાદી માહોલ જામતા યાત્રાળુઓ અને ગ્રામજનોમાં ઉત્સાહ જોવા મળ્યો છે.
