VIDEO: બનાસકાંઠા: શ્રાવણના ત્રીજા સોમવારે શક્તિપીઠ અંબાજી શિવમય બન્યું
છેલ્લું અપડેટ : 31 Aug 2026
સોર્સ : gstv
પવિત્ર શ્રાવણ મહિનાના ત્રીજા સોમવારે શક્તિપીઠ અંબાજી અને આસપાસના શિવાલયો શિવમય બની ગયા છે. આ ખાસ અવસરે અંબાજીના હરણેશ્વર મહાદેવ અને અરાવલી પર્વતમાળામાં સરસ્વતી નદીના કિનારે આવેલા કોટેશ્વર મહાદેવ મંદિર ખાતે આકર્ષક બરફના અમરનાથની પ્રતિકૃતિ બનાવવામાં આવી હતી. આ અલૌકિક દર્શનનો લાભ લેવા માટે મોટી સંખ્યામાં શિવભક્તો ઉમટી પડ્યા હતા. આ ધાર્મિક આયોજનમાં વિશેષરૂપે કબૂતરની જોડી પણ મૂકવામાં આવી હતી, જ્યારે સરસ્વતી નદીમાં સાપ પણ જોવા મળ્યા હતા. કોટેશ્વર મિત્ર મંડળ અને અંબાજી મંદિર ટ્રસ્ટ દ્વારા આ દિવસે અનેકવિધ ધાર્મિક કાર્યક્રમોનું ભવ્ય આયોજન કરવામાં આવ્યું હતું.
