VIDEO: Aravalli / ઉમેદવાર એક પણ મેન્ડેટ બે! કોંગ્રેસ અને AAP બંનેએ એક જ ઉમેદવારને આપ્યું મેન્ડેટ
છેલ્લું અપડેટ : 12 Apr 2026
સોર્સ : GSTV
સ્થાનિક સ્વરાજ્યની ચૂંટણીઓમાં ઘણીવાર ટિકિટ માટે ખેંચતાણ જોવા મળતી હોય છે, પરંતુ અરવલ્લીના ધનસુરામાં કંઈક અલગ જ જોવા મળ્યું છે. અહીં ધનસુરા તાલુકા પંચાયતની રમોસ બેઠક પર બે વિરોધી પક્ષોએ એક જ વ્યક્તિને પોતાના ઉમેદવાર જાહેર કરી મેન્ડેટ આપી દેતા રાજકીય ગરમાવો વધી ગયો છે.
રમોસ બેઠક પરથી ચૂંટણી લડવા ઈચ્છતા ભીખુસિંહ અર્જુનસિંહ ચૌહાણને કોંગ્રેસ પક્ષે પોતાનું મેન્ડેટ આપ્યું હતું. નવાઈની વાત એ છે કે, આમ આદમી પાર્ટી (AAP) એ પણ આ જ બેઠક પરથી આ જ ઉમેદવાર એટલે કે ભીખુસિંહને પોતાનું સત્તાવાર મેન્ડેટ સોંપ્યું છે. ઉમેદવારે પણ આશ્ચર્યજનક રીતે બંને પક્ષો વતી ઉમેદવારી ફોર્મ ભરી દીધા છે. એક જ ઉમેદવારને બે અલગ-અલગ પક્ષો ટિકિટ કેવી રીતે આપી શકે, તે હવે મોટો સવાલ બની રહ્યો છે.