Amreli: ભાવનગર-સોમનાથ હાઈવે પર ભીષણ અકસ્માત, ટ્રેલર પાછળ કાર ઘૂસી જતાં એક જ પરિવારના 10 લોકો ઈજાગ્રસ્ત

રાજુલા નજીક ભાવનગર-સોમનાથ હાઈવે પર આવેલા છતડીયા ગામના બ્રિજ પર આજે એક ગંભીર માર્ગ અકસ્માત સર્જાયો હતો. બ્રિજ ઉતરતી વખતે એક ફોર-વ્હીલ કાર આગળ જઈ રહેલા ટ્રેલરની પાછળ ધડાકાભેર અથડાઈ હતી. આ અકસ્માત એટલો જોરદાર હતો કે કારમાં સવાર એક જ પરિવારના 10  જેટલા મુસાફરો અંદર ફસાઈ ગયા હતા. આ પરિવાર મુંબઈથી સોમનાથ જઈ રહ્યો હતો, ત્યારે આ દુર્ઘટના બની હતી.

આ પણ વાંચો :

સાબરકાંઠામાં નશાની હાલતમાં અકસ્માત સર્જનાર પોલીસ કોન્સ્ટેબલ સસ્પેન્ડ

Sabarkantha: ધામડી બ્રિજ પાસે ભયાનક અકસ્માત, પીકઅપ ડાલુ ડિવાઇડર સાથે ટકરાતા ચાલકનું કમકમાટીભર્યું મોત

અકસ્માત સર્જાતા હાઈવે પરથી પસાર થઈ રહેલા અન્ય વાહનચાલકો અને ટ્રક ચાલકોએ તાત્કાલિક મદદ કરીને ફસાયેલા તમામ મુસાફરોને કારમાંથી બહાર કાઢ્યા હતા. સદભાગ્યે, 10 જેટલા મુસાફરોને નાની-મોટી ઈજાઓ થઈ હતી.

તમામ ઈજાગ્રસ્તોને તાત્કાલિક 108 એમ્બ્યુલન્સ મારફતે રાજુલાની સરકારી હોસ્પિટલમાં ખસેડવામાં આવ્યા હતા, જ્યાં પ્રાથમિક સારવાર બાદ તેમને વધુ સારવાર અર્થે ખાનગી હોસ્પિટલમાં રીફર કરવામાં આવ્યા છે.