VIDEO:દાહોદ લીમખેડામાં એમ્બ્યુલન્સ ન પહોંચી, રસ્તામાં સગર્ભાની પ્રસુતિ

દાહોદ જિલ્લાના લીમખેડાના કુણધા ગામે રેલવે લાઈન અને હડફ નદીના અવરોધને કારણે એમ્બ્યુલન્સ ગામ સુધી પહોંચી ન શકતા,એક સગર્ભા મહિલાને રસ્તામાં જ પ્રસુતિ થવાની ઘટના સામે આવી છે. બાજીપુરા ફળિયાની મહિલાને પીડા ઉપડતા પરિવાર તેને રેલવે લાઈન ઓળંગાવી 108 એમ્બ્યુલન્સ સુધી ચાલીને લઈ જઈ રહ્યો હતો.ત્યારે જ માર્ગમાં પ્રસુતિ થઈ ગઈ હતી. આશા વર્કરની સમયસૂચકતાને કારણે માતા અને બાળક બંનેનો જીવ બચી ગયો હતો, જેમને બાદમાં લીમખેડા સરકારી હોસ્પિટલમાં સારવાર માટે ખસેડાયા હતા. આ કપરી પરિસ્થિતિને પગલે સ્થાનિકોમાં રોષ જોવા મળી રહ્યો છે અને તેઓએ તાત્કાલિક રેલવે અંડરબ્રિજ બનાવવાની માંગ દોહરાવી છે.