VIDEO: Ahmedabad/ વહેલી સવારથી મેઘમહેર: થલતેજમાં સર્વિસ રોડ જળબંબાકાર, 6 જિલ્લામાં ‘ઓરેન્જ એલર્ટ’
છેલ્લું અપડેટ : 27 Jul 2026
Ahmedabad Rain: અમદાવાદમાં આજે (27 જુલાઈ) વહેલી સવારથી જ શરૂ થયેલા સતત વરસાદને કારણે જનજીવન પ્રભાવિત થયું છે. ખાસ કરીને એસજી હાઇવે પર આવેલા થલતેજ સર્વિસ રોડ પર પાણી ભરાઈ જતાં ભારે જળબંબાકારની સ્થિતિ સર્જાઈ છે.
કારના ટાયર ડૂબ્યા, વાહનચાલકો અટવાયા
વરસાદી પાણીના નિકાલના અભાવે થલતેજ સર્વિસ રોડ પર પરિસ્થિતિ વિકટ બની છે. સર્વિસ રોડ પર વરસાદી પાણી એટલી હદે ભરાઈ ગયા છે કે ત્યાંથી પસાર થતી કારના અડધાથી વધુ ટાયર પાણીમાં ગરકાવ થઈ રહ્યા છે. સવારના સમયે નોકરી અને અન્ય કામકાજ અર્થે નીકળેલા વાહનચાલકો અને મુસાફરો ભારે મુશ્કેલીનો સામનો કરી રહ્યા છે.
આજે સવારે 6થી 9 વાગ્યા સુધીમાં સૌથી વધુ વરસાદ નોંધાયેલા 10 વિસ્તારો
•થલતેજ: 1.95 ઇંચ
•સાયન્સ સિટી: 1.85 ઇંચ
•મેમનગર: 1.46 ઇંચ
•બોડકદેવ: 1.26 ઇંચ
•ચાંદલોડિયા: 1.10 ઇંચ
•મેમકો: 1.00 ઇંચ
•અસારવા: 0.94 ઇંચ
•ઓઢવ ડ્રેનેજ પમ્પિંગ: 0.94 ઇંચ
•નિકોલ: 0.93 ઇંચ
•કઠવાડા: 0.93 ઇંચ
આ 6 જિલ્લાઓમાં 'ઓરેન્જ ઍલર્ટ'
મધ્ય અને ઉત્તર ગુજરાતના બનાસકાંઠા, સુરેન્દ્રનગર, અમદાવાદ, બોટાદ,ગાંધીનગર અને ખેડાજિલ્લાઓમાં ઓરેન્જ એલર્ટ દર્શાવવામાં આવ્યું છે.
