VIDEO: અમદાવાદના ચાંદખેડા મોલ પાસેથી ગાયિકા કિંજલ રબારીના કથિત અપહરણ મામલે પોલીસ તપાસ અને સીસીટીવી સામે આવ્યા
છેલ્લું અપડેટ : 06 Sept 2026
સોર્સ : gstv
અમદાવાદના ચાંદખેડા વિસ્તારમાં આવેલા CBD મોલ પાસેથી પ્રખ્યાત ગુજરાતી ગાયિકા કિંજલ રબારીના કથિત અપહરણની ઘટના સામે આવી છે. પ્રાપ્ત માહિતી અનુસાર, બપોરે બે વાગ્યાની આસપાસ તેઓ પોતાના પતિ સાથે મૂવી જોવા આવ્યા હતા તે દરમિયાન કાળી ગાડીમાં આવેલા શખ્સો તેમને લઈ ગયા હોવાની ચર્ચા ફેલાઈ હતી. આ મામલે ચાંદખેડા પોલીસ તુરંત હરકતમાં આવી તપાસ શરૂ કરી હતી. જોકે, પોલીસ દ્વારા મેળવવામાં આવેલા સીસીટીવી ફૂટેજના આધારે મોટો ખુલાસો થયો છે કે કિંજલ રબારી પોતાની મેળે જ ગાડીમાં બેઠા હતા અને તેમની સાથે કોઈ બળજબરી કરવામાં આવી હોવાનું નજરે પડતું નથી. હાલ પોલીસે આ સમગ્ર ઘટનાની સચ્ચાઈ બહાર લાવવા માટે તેમના પતિ અને પરિવારજનોના નિવેદન નોંધીને વધુ તપાસ હાથ ધરી છે.
