VIDEO: ધોળકામાં કેમિકલયુક્ત ગંદા પાણી ભરાતાં જનજીવન અસ્તવ્યસ્ત, કલેક્ટરને આવેદનપત્ર પાઠવવામાં આવ્યું
છેલ્લું અપડેટ : 29 Sept 2026
સોર્સ : gstv
અમદાવાદના ધોળકાના બુટ ભવાની અને કેડીલા ઝૂંપડપટ્ટી વિસ્તારમાં ગટર અને કેમિકલયુક્ત ગંદા પાણીના ભરાવાના કારણે સ્થાનિક લોકોની સ્થિતિ અત્યંત ગંભીર બની ગઈ છે. ભેટાવાડા આંદોલનને પગલે કાંસ બંધ થઈ જતાં આશરે ૨૫૦ જેટલા મકાનોમાં ૩ થી ૪ ફૂટ સુધી દૂષિત પાણી ભરાઈ ગયાં છે, જેના કારણે ઘરવખરીને મોટું નુકસાન પહોંચ્યું છે. એટલું જ નહીં, શ્રી બુટ ભવાની પ્રાથમિક શાળાના વર્ગખંડોમાં પાણી ફરી વળતાં ૩૫૦માંથી માત્ર ૭૦ થી ૮૦ બાળકો જ શાળાએ આવી શક્યા છે, જેથી શિક્ષણ પર માઠી અસર પડી છે. આ વિકટ પરિસ્થિતિના કાયમી નિકાલ માટે દેવીપૂજક સમાજ શિક્ષણ સમિતિ દ્વારા અમદાવાદ કલેક્ટરને આવેદનપત્ર પાઠવવામાં આવ્યું છે.
