ઉજાલા સર્કલ પાસે ખુલ્લા ખેતરમાંથી નવજાત શિશુનો મૃતદેહ મળી આવ્યો

શ્રમજીવીના બાળકોની નજરે પડ્યું માસૂમ બાળક

ઘટનાની વિગતો મુજબ, સરખેજમાં ઉજાલા સર્કલ પાસે ખુલ્લા ખેતરમાં ઝૂંપડું બાંધીને રહીને મજૂરીકામ કરતા 36 વર્ષીય ધુડાભાઇ લાલજીભાઈ ચૌહાણે આ મામલે પોલીસને જાણ કરી હતી. ગત 10 ઓક્ટોબરના રોજ સાંજે આશરે 6 થી 6:15 વાગ્યાના સુમારે તેમના નાના બાળકો ઝૂંપડાથી થોડે દૂર ખુલ્લી જગ્યામાં ગયા હતા. તે દરમિયાન બાળકોની નજર કાળા રંગની પ્લાસ્ટિકની થેલી પર પડી હતી, જેમાં એક તાજું જન્મેલું બાળક ચોકડીવાળા બરમુંડામાં લપેટાયેલી હાલતમાં પડેલું હતું. બાળકોએ તુરંત જ પોતાના પિતાને આ અંગેની જાણ કરી હતી.

બાળકને આ હાલતમાં જોતા જ યુવાને ત્વરિત 108 એમ્બ્યુલન્સ અને પોલીસ કંટ્રોલ રૂમમાં ફોન કરીને જાણ કરી હતી. થોડીવારમાં જ સરખેજ પોલીસ સ્ટેશનનો કાફલો અને 108ની ટીમ ઘટનાસ્થળે પહોંચી ગઈ હતી. 108ના મેડિકલ સ્ટાફ દ્વારા આ ત્યજી દેવાયેલા નવજાત શિશુની તપાસ કરવામાં આવતા તે તાજો જન્મેલો છોકરો હોવાનું અને તેનું મૃત્યુ થઈ ચૂક્યું હોવાનું જણાયું હતું. આ અતિસંવેદનશીલ મામલે સરખેજ પોલીસે અજાણ્યા શખ્સ વિરુદ્ધ ગુનો નોંધીને આસપાસના વિસ્તારોના સીસીટીવી ફૂટેજ ચકાસવાની અને આકૃત કૃત્ય કરનાર વ્યક્તિને ઝડપી પાડવાની કવાયત હાથ ધરી