Gujarat news: 500થી વધુ લોકોને 'સાયબર ગુલામ' બનાવનાર આંતરરાષ્ટ્રીય માનવ તસ્કરી રેકેટનો પર્દાફાશ

ગુજરાતના સાયબર સેન્ટર ઓફ એક્સેલન્સે એક મોટા આંતરરાષ્ટ્રીય સાયબર ફ્રોડ અને માનવ તસ્કરી રેકેટનો પર્દાફાશ કરતાં મોટી સફળતા મેળવી છે. સાયબર સેલે મ્યાનમારના કુખ્યાત 'KK પાર્ક'માં માફિયાઓ દ્વારા સંચાલિત સ્કેમ સેન્ટરોના મુખ્ય સૂત્રધારની ધરપકડ કરી છે.

આ પણ વાંચો :

ગુજરાતમાં Cyber Fraud ની મોટી ઘટના, RBL બેંકના 89 એકાઉન્ટમાંથી 1445 કરોડનું ટ્રાન્જેક્શન 

Cyber Fraud: SEBI-RBIની મંજૂરી વિના ક્રિપ્ટો થકી દુબઈ મોકલાતા 335 કરોડના નાણાંકીય વ્યવહાર ઝડપાયા

500 થી વધુ નાગરિકોની તસ્કરી માટે જવાબદાર

પ્રાપ્ત માહિતી અનુસાર આ કિંગપિન એક વિશાળ નેટવર્કનો વડો હતો, જે ભારત, શ્રીલંકા, ફિલિપાઈન્સ, પાકિસ્તાન, બાંગ્લાદેશ, નેપાળ, નાઈજીરીયા, ઈજીપ્ત, કેમરૂન, બેનિન અને ટ્યુનિશિયા જેવા દેશોમાંથી 500 થી વધુ નાગરિકોની તસ્કરી માટે જવાબદાર હતો.

આ લોકોને મ્યાનમાર, કંબોડિયા, વિયેતનામ, થાઈલેન્ડ અને દુબઈ જેવા દેશોમાં મોકલીને 'સાયબર સ્લેવરી' એટલે કે સાયબર ગુલામી કરવા માટે મજબૂર કરવામાં આવતા હતા. તેમની પાસે બળજબરીથી ઓનલાઈન ફ્રોડ અને કૌભાંડો કરાવવામાં આવતા હતા.