VIDEO: બાર કાઉન્સિલમાં પ્રથમવાર જોવા મળી દિશાહીન સ્થિતિ, ચૂંટણીના 2 મહિના બાદ પણ નવી બોડીનું ગઠન નહીં
છેલ્લું અપડેટ : 10 May 2026
સોર્સ : GSTV
બાર કાઉન્સિલની ચૂંટણી પૂર્ણ થયાને બે મહિનાનો સમય વીતી ગયો હોવા છતાં, હજુ સુધી નવી બોડીનું ગઠન ન થતા વકીલ આલમમાં અનેક તર્ક-વિતર્ક સર્જાયા છે. બાર કાઉન્સિલના ઇતિહાસમાં પ્રથમવાર આવી દિશાહીન સ્થિતિ જોવા મળી રહી છે. ચૂંટણી દ્વારા 18 પુરુષ અને 5 મહિલા વકીલો મળી કુલ 23 સભ્યોની બોડી તો તૈયાર થઈ ગઈ છે, પરંતુ ચેરમેન, વાઈસ ચેરમેન અને વિવિધ કમિટીઓની રચના હજુ બાકી છે. આ વિલંબને કારણે વકીલોના કલ્યાણકારી નિર્ણયો, નવા વકીલોની નોંધણી અને ડિસિપ્લિનરી કમિટીની મહત્વની અરજીઓ પેન્ડિંગ પડી છે. ખાસ કરીને વકીલોના નિધન બાદ મળતી મૃત્યુ સહાયના કામો અટવાતા પરિવારો મુશ્કેલીમાં મુકાયા છે.
